Descrición
Kadence Blocks amplía o editor de bloques de WordPress con potentes bloques personalizados e controis de deseño avanzados, para axudarche a crear webs rápidas, accesibles e profesionais sen escribir código.
Cada bloque está creado pensando no rendemento, a accesibilidade e a flexibilidade, e dáche as ferramentas para crear deseños visualmente impactantes mantendo un código de saída limpo e optimizado.
Tanto se estás a crear páxinas de destino, blogs ou webs completas, Kadence Blocks ofrece un fluxo de traballo moderno e áxil que compite cos maquetadores de páxinas tradicionais, directamente dentro do editor nativo de WordPress.
Os bloques personalizados inclúen
- Acordeón – Crea acordeóns fermosos! Cada panel pode conter calquera outro bloque e estilos de título, fondo do contido e bordos personalizados.
- Botón avanzado – Crea un botón avanzado ou unha fila de botóns. Dálle estilo a cada un, incluídos os controis ao pasar o cursor. Ademais, podes usar unha icona e amosalos un ao lado do outro.
- Formulario avanzado – O noso potente bloque de formulario permíteche crear facilmente un formulario de contacto ou de márketing e darlle estilo dentro do editor de bloques.
- Galería avanzada – Crea galerías de fotos impresionantes, carruseis e pases de diapositivas! Personaliza as ligazóns, as lendas, os tamaños das imaxes e moito máis para lograr un rendemento óptimo.
- Texto avanzado – Crea un título ou parágrafo e define os tamaños para ordenador, tableta e móbil, xunto coa familia tipográfica, as cores, etc. Usa o editor de IA integrado para mellorar a redacción, corrixir erros ortográficos e gramaticais, cambiar o ton, etc.
- Conta atrás – Aumenta as túas conversións engadindo unha sensación de urxencia á túa oferta cunha conta atrás. A versión Pro tamén inclúe campañas permanentes.
- Contador – Inclúe un contador de números animados en páxinas e entradas. Isto pode darlle interese ao que doutro xeito serían números aburridos nunha pantalla.
- Caixa de información – Crea unha caixa de información que conteña unha icona ou imaxe e, opcionalmente, un título, unha descrición e un texto de «máis información». Dálle estilo ao estado estático e ao pasar o cursor por separado.
- Icona – Elixe entre máis de 1500 iconas SVG para engadir á túa páxina e dálles estilo ao tamaño, as cores, o fondo, o bordo, etc. Tamén podes engadir varias iconas unha ao lado da outra.
- Lista de iconas – Engade iconas fermosas ás túas listas para facelas máis atractivas e captar a atención dos visitantes. Máis de 1500 iconas para elixir e estilos ilimitados.
- Animación Lottie – Podes importar animacións Lottie ao teu sitio. Podes elixir como se reproduce a animación e controlar a velocidade, os bucles, etc.
- Entradas – Amosa unha cuadrícula de entradas limpa en calquera lugar do teu sitio, ideal para a túa páxina de inicio cando queres dar unha mostra do teu blog.
- Barra de progreso – Amosa o progreso visualmente, por exemplo canto se cumpriu dun obxectivo, taxas de satisfacción e moitos outros casos de uso.
- Disposición de filas – Crea filas con bloques aniñados en columnas ou como contedor. Dálles estilo ás túas filas cun fondo, superposición, recheo, etc.
- Sección – Deseña seccións de contido en bloques de disposición de filas. Engade calquera bloque á sección e deséñaa usando os axustes do bloque.
- Amosar máis – Engade vistas previas facilmente a contido con bloques aniñados de calquera tipo. Axusta o tamaño da vista previa segundo o tipo de dispositivo, aplica un esvaecemento, personaliza botóns avanzados e moito máis.
- Espazador / Divisor – Crea un divisor facilmente e determina o espazo ao seu redor, ou simplemente crea algo de espazo no teu contido. Mesmo podes definir a altura para cada tamaño de pantalla.
- Táboa de contidos – Navega rapidamente aos títulos da túa entrada ou páxina creando automaticamente ligazóns de áncora e un desprazamento suave.
- Pestanas – Crea deseños de pestanas verticais ou horizontais personalizados con controis de estilo avanzados. O contido de cada pestana é un lenzo baleiro que pode conter calquera outro bloque.
- Testemuños – Xera confianza na túa marca ou produto amosando testemuños fermosos e únicos. Amósaos como carrusel ou como cuadrícula.
Videotitorial
Características principais dos bloques
- Flexibilidade de contido & deseño: crea deseños complexos con filas aniñadas, controis adaptables e opcións avanzadas de espazado, todo dentro do editor de bloques.
- Biblioteca de deseños: supera os bloqueos creativos e monta un sitio en nada de tempo. A nosa biblioteca de deseños ofrece centos de padróns e páxinas prediseñados adaptados á túa marca única
- Carga intelixente: Kadence Blocks non ralentizará a túa web porque só carga CSS ou JavaScript cando o necesitas, e só para os bloques que estás a usar nunha páxina concreta.
- Controis adaptables: axusta o teu deseño para cada tamaño de pantalla. Edita os axustes de tableta e móbil mentres ves a vista previa no editor de WordPress.
- Controis tipográficos: elixe entre máis de 900 tipos de letra de Google e deseña o teu sitio cun control tipográfico completo.
- Controis de cor & fondo: degradados, superposicións, fondos con paralaxe, bordos, etc. Podes controlar todos os axustes de deseño!
- Valores por defecto configurables: fai que o desenvolvemento sexa moi doado. Unha vez definidos os axustes por defecto, cada vez que engadas un bloque eses axustes aplicaranse automaticamente.
- Controis de visibilidade dos axustes: oculta os axustes dos bloques a certos perfís de usuario para que se poidan centrar no contido e ti poidas mantelos afastados dos deseños dos bloques.
- Controis de espazado: controla o recheo e as marxes dos teus bloques nas unidades que queiras. Personalízaos de forma adaptable para lograr un espazado e un deseño precisos.
Conecta coa nosa comunidade
Naturalmente, o proceso de creación web trae consigo infinitas preguntas e ideas creativas, e é terreo fértil para oportunidades de colaboración. Aí é onde a nosa próspera comunidade de Facebook, con máis de 12.000 membros e subindo, se converte nun recurso de valor incalculable.
Tanto se buscas respostas a preguntas concretas, comentarios construtivos sobre a túa web ou tes ganas de descubrir formas innovadoras de aproveitar as ferramentas de Kadence, a nosa comunidade está aquí para axudarche e inspirarte.
- Únete ao grupo de Facebook Web Creator Community.
- Subscríbete ao boletín de Kadence WP para recibir as últimas novidades e ideas.
- Escoita o noso podcast, Kadence Beat, onde exploramos xuntos estratexias de creación web.
Mira algúns titoriais de creadores que adoran Kadence (e que pensan que ti tamén deberías 🙂):
- Titoriais de Kadence Blocks, de StartBlogging101
- The Ultimate Kadence Guide for Beginners, de CliftonWP
Obtén máis de Kadence WP
Mellora aínda máis a túa experiencia de maquetación de páxinas con estes bloques Pro adicionais:
* Bucle de consulta avanzado
* Carrusel avanzado
* Superposición de imaxe
* Ventá modal
* Cuadrícula/carrusel de entradas
* Carrusel de produtos
* Repetidor
* Contido dividido
* Vídeo en ventá emerxente
* …e moito máis!
Supera os bloqueos creativos e atrae aínda máis os teus visitantes con estas características premium:
* Animación ao desprazar
* Iconas personalizadas
* Tipos de letra personalizados
* Contido dinámico
* Scripts específicos de cada páxina
* Máis de 800 padróns da biblioteca de deseños
Potencia o teu sitio de WordPress coa completa suite Kadence WP:
* Comeza co Kadence Theme para ter unha base flexible, rápida e lixeira.
* Crea webs personalizadas e de deseño profesional en minutos cos Starter Templates predeseñados.
* Integra sen problemas potentes capacidades de WooCommerce con ShopKit.
* Mellora a túa estratexia de márketing e aumenta os ingresos con Kadence Conversions.
* Crea unha biblioteca personalizada de modelos en Kadence Pattern Hub e comercializa o teu talento para o deseño.
Cada ferramenta está deseñada para funcionar en harmonía e ofrece unha solución completa para crear, xestionar e facer medrar a túa presenza en liña con facilidade.
Acerca do equipo de Kadence WP
Ola! Somos Kadence e vivimos na fermosa cidade de Missoula, en Montana. Cada día sentímonos agradecidos de vivir no corazón do Big Sky Country, onde abundan as montañas e os ríos corren salvaxes. Se non estamos a escribir código ou a responder consultas de soporte, seguramente nos atoparás no fondo do bosque, explorando e perdéndonos. Cremos que a vida hai que vivila ao máximo e facemos todo o posible por aproveitar cada día. Non dubides en deixar comentarios ou preguntas a través do formulario de contacto. Encántanos saber o que tes que dicir.
Como marca, creamos ferramentas para WordPress limpas e de calidade profesional que axudan a xente corrente a crear webs fermosas. O noso nome é simplemente unha grafía diferente da palabra «cadence» (cadencia), que significa «fluxo rítmico dunha secuencia de sons ou palabras: a cadencia dunha lingua».
Arquivos fonte
Soporte
Necesitas soporte? O noso equipo de expertos está desexando axudarche con calquera consulta. Ponte en contacto connosco a través do noso formulario de soporte específico para recibir unha axuda rápida e útil.
Política de seguridade
Informar de erros de seguridade
Informa dos erros de seguridade atopados no código fonte do plugin Kadence Blocks a través do programa de divulgación de vulnerabilidades de Patchstack https://patchstack.com/database/vdp/kadence-blocks. O equipo de Patchstack axudarache coa verificación e a asignación do CVE, e avisará os desenvolvedores deste plugin.
Capturas
Edición inicial da disposición de filas
Exemplo de disposición de filas dunha soa columna con superposición de fondo degradado
Exemplo de disposición de filas de tres columnas
Exemplo do bloque de icona
Exemplo de botón avanzado
Axustes do ancho do editor dentro de Gutenberg
Blocks
Este plugin proporciona 1 bloque.
- Tab
Instalación
Instala o plugin no cartafol /wp-content/plugins/ e actívao.
Preguntas frecuentes
-
Que son Kadence Blocks e como melloran a miña experiencia con WordPress?
-
Kadence Blocks son bloques de Gutenberg avanzados que amplían as capacidades do editor de WordPress. Permítenche crear webs impresionantes e adaptables facilmente.
-
Kadence Blocks é de uso gratuíto?
-
Si, Kadence Blocks é un plugin gratuíto e robusto que ofrece unha serie de bloques e ferramentas personalizados. Hai un complemento premium para quen busque aínda máis características. Podes ver unha lista detallada do que inclúe Kadence Blocks fronte a Kadence Blocks Pro no noso sitio.
-
Podo usar Kadence Blocks co meu tema actual de WordPress?
-
Por suposto! Kadence Blocks está deseñado para funcionar sen problemas coa maioría dos temas de WordPress e mellorar as capacidades de deseño que xa tes. Recomendámosche usar o noso tema gratuíto, Kadence Theme, con máis de 500.000 instalacións activas.
-
Que características únicas ofrece Kadence Blocks?
-
Kadence Blocks ofrece moitas características únicas e doadas de usar, como a nosa biblioteca de deseños, que inclúe centos de padróns únicos que se poden adaptar ao estilo da túa marca. Ofrecemos opcións avanzadas de galería, valores por defecto dos bloques configurables e controis de visibilidade para os axustes dos bloques.
-
Kadence Blocks é compatible con contido dinámico para a miña web?
-
Si, o noso complemento Pro é compatible con contido dinámico, o que che permite crear webs moi dinámicas e interactivas facilmente cando actualizas a Pro. Usa os teus propios campos meta de ACF e MetaBox, así como campos personalizados de WooCommerce, The Events Calendar e outros plugins de terceiros.
-
Hai titoriais dispoñibles para Kadence Blocks?
-
Si, ofrecemos unha serie de titoriais para axudarche a sacar o máximo proveito de Kadence Blocks. Visita o noso centro de axuda para ver guías paso a paso.
-
Podo actualizar a Kadence Blocks Pro para ter máis características?
-
Si, ao actualizar a Kadence Blocks Pro desbloqueas características e capacidades avanzadas adicionais. Consulta a comparativa de características.
-
Onde podo obter soporte para Kadence Blocks?
-
O noso equipo de expertos está desexando axudarche con calquera consulta. Ponte en contacto connosco a través do noso formulario de soporte específico para recibir unha axuda rápida e útil.
-
Onde informo dos erros de seguridade atopados neste plugin?
-
Informa dos erros de seguridade atopados no código fonte do plugin Kadence Blocks a través do programa de divulgación de vulnerabilidades de Patchstack https://patchstack.com/database/vdp/kadence-blocks. O equipo de Patchstack axudarache coa verificación e a asignación do CVE, e avisará os desenvolvedores deste plugin.
Comentarios
Colaboradores e desenvolvedores
“Kadence Blocks — Kit de ferramentas de maquetación de páxinas para o editor Gutenberg” é un software de código aberto. As seguintes persoas colaboraron con este plugin.
Colaboradores
“Kadence Blocks — Kit de ferramentas de maquetación de páxinas para o editor Gutenberg” foi traducido a 20 idiomas. Grazas aos desenvolvedores polas súas contribucións.
Interesado no desenvolvemento?
Revisa o código, bota unha ollada aorepositorio SVN, ou subscríbete ao log de desenvolvemento por RSS.
Rexistro de cambios
3.7.12.1
Release Date: 6th October 2026
* Security: Improved output escaping for block attributes.
* Security: Improved output handling in multiple blocks.
3.7.12
Release Date: 30th September 2026
* Update: Updated Harbor to 1.6.1 for catalog changelog support in update details.
* Security: Improved file upload handling in Advanced Form.
3.7.11.1
Data da versión: 21 de setembro de 2026
* Seguridade: mellorouse o escapado da saída dos atributos dos bloques.
3.7.11
Data da versión: 16 de setembro de 2026
* Seguridade: reforzouse a sanitización das entradas e o escapado da saída nos formularios de Kadence Blocks.
3.7.10
Data da versión: 2 de setembro de 2026
* Corrección: resolveuse un problema polo que os submenús que se abrían ao pasar o cursor no bloque de navegación non se podían pechar coa tecla Escape.
3.7.9.1
Data da versión: 12 de agosto de 2026
* Seguridade: mellorouse a seguridade no módulo da API REST de procesamento de imaxes.
3.7.9
Data da versión: 5 de agosto de 2026
* Axuste: mellorouse a experiencia da páxina de licenzas unificada.
* Corrección: restaurouse a compatibilidade coas localizacións personalizadas da biblioteca de deseños.
* Corrección: resolveuse un erro de JavaScript que impedía que «Auto Spacing Under» funcionase cando a cabeceira avanzada usaba unha cabeceira transparente dentro dun modelo dun tema de bloques.
* Corrixido: bloque de galería avanzada – resolveuse un problema polo que as lendas longas estiraban as diapositivas ata o ancho completo do contedor no tipo de galería «Fluid Carousel» cando as lendas estaban configuradas para amosarse debaixo da imaxe.
3.7.8.2
Data da versión: 29 de xullo de 2026
* Seguridade: mellorouse o tratamento do marcado na saída dos bloques.
3.7.8.1
Data da versión: 27 de xullo de 2026
* Seguridade: reforzáronse as solicitudes da biblioteca para que só usen localizacións coñecidas.
* Seguridade: mellorouse o escapado da saída dos atributos dos bloques.
3.7.8
Data da versión: 29 de xuño de 2026
* Seguridade: reforzáronse as comprobacións de capacidades no proceso de importación de padróns e modelos.
* Seguridade: melloráronse as comprobacións de autorización nos endpoints de datos do optimizador de rendemento.
3.7.7
Data da versión: 24 de xuño de 2026
* Corrección: resolveuse un problema co bloque de texto avanzado despois de actualizar desde versións anteriores de Kadence Blocks
* Corrección: as ligazóns dinámicas do bloque de texto avanzado agora apuntan á entrada correcta cando se usan dentro dun bucle de consulta
* Corrección: as marxes esquerda/dereita de ruptura do bloque de disposición de filas xa non se aplican incorrectamente ás columnas dentro de disposicións de filas aniñadas no editor
3.7.6
Data da versión: 11 de xuño de 2026
* Axuste: mellorouse o fluxo de actualización dos complementos de Kadence para as licenzas herdadas.
* Axuste: as solicitudes de Kadence AI agora pasan por un proxy do lado do servidor.
3.7.5
Data da versión: 1 de xuño de 2026
* Axuste: as bibliotecas de padróns e de Starter Templates agora obteñen unha clave de licenza autorizada (incluídas as licenzas unificadas de Liquid Web) ao comunicarse cos servidores remotos, para que as importacións funcionen nos sitios con licenza a través de Liquid Web.
* Axuste: actualizouse Harbor á versión 1.4 e centralizouse a detección dos plugins premium para que a páxina Liquid Web Products recoñeza todos os plugins premium de Kadence activos.
3.7.4
Data da versión: 29 de maio de 2026
* Corrección: bloque de sección/disposición de filas – os controis de dirección, aliñamento e aliñamento vertical dos axustes Flex amosábanse como unha barra de ferramentas de aliñamento de texto en lugar dos seus propios controis (regresión na 3.7.3).
3.7.3
Data da versión: 27 de maio de 2026
* Corrección: formulario avanzado – os tokens de reCAPTCHA v3, Turnstile e hCaptcha non se rexeneraban despois dun envío correcto, o que impedía os envíos posteriores do formulario.
* Corrección: bloque de táboa (avanzada) – non se respectaban os anchos das columnas cando as cabeceiras de columna estaban activadas.
* Corrección: conflito da paleta de cores personalizada con temas de bloques (p. ex. Blocksy) que sobrescribían os axustes de cor de Kadence.
* Engadido: filtro kadence_blocks_table_data_scope_attributes para personalizar os atributos scope das celas de cabeceira da táboa (avanzada).
3.7.2
Data da versión: 13 de maio de 2026
* Axuste: actualizouse Harbor á versión 1.2.0, que elimina a páxina Liquid Web Products cando non hai plugins premium presentes.
3.7.1
Data da versión: 12 de maio de 2026
* Axuste: moveuse o elemento de menú Liquid Web a Axustes -> Liquid Web Products.
* Axuste: a páxina Axustes -> Liquid Web Products agora require un consentimento expreso para comunicarse con servidores externos.
3.7.0
Data da versión: 11 de maio de 2026
* Característica – Integración coas licenzas e o portal de Nexcess.
3.6.7
Data da versión: 8 de abril de 2026
* Corrección: TypeError fatal no xestor de metadatos do optimizador durante as actualizacións dos metadatos de produtos de WooCommerce.
* Corrección: erro fatal ao actualizar Kadence Blocks.
3.6.6
Data da versión: 11 de marzo de 2026
* Corrección: cabeceiras avanzadas – as cabeceiras fixas amosábanse incorrectamente e provocaban un desprazamento/salto
* Corrección: non se podía escribir un número na caixa de información cando a animación estaba activada
3.6.5
Data da versión: 25 de febreiro de 2026
* Corrección: erro de tamaño do índice da base de datos de Kadence Performance Optimizer
* Corrección: bloque de texto (avanzado): contido desaliñado ao aplicar un zoom do 400 %.
* Corrección: bloque de texto (avanzado): o contido dinámico anunciábase incorrectamente
* Corrección: bloque de texto (avanzado): a animación non respecta prefers-reduced-motion.
* Corrección: animación ao desprazar: a animación non respecta prefers-reduced-motion.
* Corrección: bloque de táboa (avanzada) – as celas da táboa non teñen etiquetas HTML de peche no HTML en bruto .
* Corrección: o carrusel da galería (avanzada) non funcionaba dentro do contido personalizado de Ultimate Menu (a través de Elements).
* Corrección: problemas de altura na cabeceira fixa
3.6.4
Data da versión: 23 de febreiro de 2026
* Corrección: actualización dos permisos nos endpoints REST de imaxes.
3.6.3
Data da versión: 11 de febreiro de 2026
* Corrección: o axuste «Make Parent of Current Menu Item Active» está sempre activo | Navegación (avanzada)
* Corrección: o formato do CSS personalizado da disposición de filas rompe ao exportar/importar bloques de cabeceira avanzada
* Corrección: o contido da ventá modal non amosa os padróns de WP cando está aliñado á esquerda ou á dereita
* Engadido: opcións de aria-label para o bloque de táboa (avanzada)
* Actualización: amosar máis: o botón non se podía usar co teclado
* Actualización: amosar máis: o contido oculto era accesible co teclado
* Actualización: amosar máis: os elementos ocultos estaban expostos aos lectores de pantalla
* Actualización: conta atrás: faltaba o botón de pausa para elementos animados de máis de 5 segundos
* Corrección: conta atrás: os lectores de pantalla non anunciaban a mensaxe de estado
* Corrección: faltaba o rol timer na conta atrás
* Corrección: o submenú da navegación ocúltase inmediatamente cando se engade espazado
* Engadido: axustes da cor de superposición para as imaxes das ligazóns de navegación
3.6.2
Data da versión: 5 de febreiro de 2026
* Corrección: autorización correcta da subida de medios para algúns perfís de usuario
* Corrección: non executar o optimizador en WP CLI
3.6.1
Data da versión: 29 de xaneiro de 2026
* Corrección: problema co bloque de icona nas pestanas de produto de ShopKit
* Corrección: o fondo/os títulos da táboa (avanzada) non funcionaban dentro dunha fila/sección
* Corrección: a biblioteca de deseños ás veces non amosaba a vista previa
* Corrección: dominio de texto incorrecto en class-kadence-header-cpt.php
* Corrección: engadir comprobacións de null para contentTab en kt-tabs.js
* Corrección: problema coa sincronización da tradución de imaxes de WPML e ACF
* Corrección: as ligazóns dos bloques de título avanzado e de botóns non se podían traducir
* Corrección: Kadence Blocks impedía que se cargase Aparencia > Widgets.
3.6.0
Data da versión: 22 de xaneiro de 2026
* Novo: extensión do optimizador de rendemento. Actívaa nos axustes de Kadence Blocks no editor Gutenberg.
* Corrección: comprobacións de permisos na API de padróns de bloques
3.5.32
Data da versión: 15 de xaneiro de 2026
* Actualización: comeza a retirada do bloque de formulario clásico – ocúltase no inseridor de bloques, os bloques de formulario clásico existentes seguen funcionando
* Corrección: o axuste «Slide In From» do panel fóra do lenzo non se aplicaba no móbil.
* Corrección: a orde de contracción no móbil non funcionaba ao usar Inverter
* Corrección: faltaba o predefinido de sombra da caixa no bloque de caixa de información
* Corrección: aparece espazado no bloque de texto (avanzado) só cando se elixe a cor de fondo mediante unha mostra
* Corrección: as cores personalizadas de Kadence Blocks non estaban dispoñibles ao editar padróns.
* Corrección: a caixa de luz non funcionaba en Slider, Carousel e Fluid Carousel
* Corrección: carrusel da galería (avanzada): os controis de frechas e puntos ignorábanse na portada
3.5.31
Data da versión: 9 de xaneiro de 2026
* Corrección: problema co recheo do resaltado avanzado
3.5.30
Data da versión: 8 de xaneiro de 2026
* Engadido: ferramenta de transformación do formulario avanzado clásico ao novo bloque de formulario.
* Engadido: un formato de imaxe integrada para o bloque de título (avanzado).
* Corrección: problema con algúns carruseis, incluída a galería (avanzada), que non funcionaban dentro doutros bloques de bucle
* Corrección: problema co recheo esquerdo do bloque de testemuños
* Corrección: problema da barra de progreso en Safari
* Corrección: a paleta de cores ampliada do tema non se amosaba correctamente nalgúns lugares do editor.
* Corrección: problema co recheo das iconas no bloque de texto
* Corrección: os axustes de cor do texto do estilo contorno do botón (avanzado) non funcionaban en Kadence Theme no estado visitado
3.5.29
Data da versión: 3 de decembro de 2025
* Actualización: mellórase a compatibilidade con WordPress 6.9.
3.5.28
Data da versión: 2 de decembro de 2025
* Actualización: mellórase a compatibilidade con WordPress 6.9.
3.5.27
Data da versión: 6 de novembro de 2025
* Actualización: engadiuse compatibilidade co estilo do botón secundario de Kadence Theme.
* Actualización: lista de Google Fonts.
3.5.26
Data da versión: 24 de outubro de 2025
* Corrección: cores das iconas do acordeón ao pasar o cursor.
3.5.25
Data da versión: 23 de outubro de 2025
* Actualización: a pestana de administración das cabeceiras non se amosa por defecto. Novo axuste para controlar a súa visualización
* Actualización: mellórase a compatibilidade dos bloques de contador & conta atrás no carrusel
* Corrección: o captcha Turnstile de Kadence impedía realizar pedidos
* Corrección: a contracción no móbil da disposición de filas non funcionaba correctamente
3.5.24
Data da versión: 10 de outubro de 2025
* Corrección: problema cos selectores de estado activo e ao pasar o cursor do estilo do título do acordeón.
3.5.23
Data da versión: 9 de outubro de 2025
* Actualización: a táboa de contidos agora ignora os títulos ocultos de forma condicional.
* Actualización: engádese tabindex ás informacións emerxentes de tippy e actualízase o seu rol a tooltip.
* Actualización: as opcións de límite de subida de arquivos do formulario avanzado chegan agora ata o límite de PHP.
* Actualización: engádese compatibilidade coas imaxes WebP como tipo de arquivo admitido nas subidas do formulario avanzado.
* Corrección: problema con bloques de pestanas aniñados.
* Corrección: cor ao pasar o cursor nas seccións aniñadas do editor.
* Corrección: opción «usar só a paleta de cores personalizada» dos controis de Kadence Blocks.
* Corrección: aumentouse a especificidade dalgúns estilos do bloque de acordeón para corrixir un problema nos temas FSE.
* Corrección: alturas iguais no bloque de entradas.
3.5.22
Data da versión: 25 de setembro de 2025
* Corrección: eliminouse a sombra da caixa por defecto do submenú de navegación cando está desactivada.
* Actualización: cando prefers-reduced-motion está activado, o bloque de contador agora só amosa o valor final.
* Actualización: o div exterior da disposición en mosaico da galería cambiouse a ul para coincidir co marcado interior.
3.5.21
Data da versión: 18 de setembro de 2025
* Actualización: engadiuse compatibilidade coa visualización condicional (característica Pro) para o panel do acordeón, as pestanas e os testemuños.
* Corrección: algúns problemas de dominio de texto
3.5.20
Data da versión: 11 de setembro de 2025
* Corrección: renderizado de arquivos Lottie no editor.
* Corrección: pegar texto no bloque de texto avanzado cando xa hai contido.
* Corrección: o despregable do tamaño da imaxe non se amosaba inicialmente para as imaxes de fondo na disposición de filas.
3.5.19
Data da versión: 28 de agosto de 2025
* Engadido: axustes de cor do subtítulo para o bloque de pestanas.
* Engadido: os tipos de letra personalizados engadidos mediante filtros agora admiten etiquetas.
* Corrección: problema coa cor do bordo no editor.
* Corrección: as informacións emerxentes agora voltéanse cando non hai espazo para amosarse.
3.5.18
Data da versión: 19 de agosto de 2025
* Actualización: axustes nos atributos aria do formulario.
* Actualización: axustes nos atributos aria das pestanas.
* Corrección: os valores por defecto dos bloques non se aplicaban aos bloques novos.
3.5.17
Data da versión: 14 de agosto de 2025
* Engadido: opción para amosar as iconas dos botóns ao pasar o cursor.
* Engadido: compatibilidade da galería mosaico coas características Pro.
* Engadido: opción personalizada para o valor de autocompletado nos campos de entrada do formulario avanzado.
* Engadido: opción de botón de pausa para carruseis con reprodución automática
* Actualización: as diapositivas dos carruseis agora son elementos de lista semánticos
* Actualización: os testemuños agrupados agora son elementos de lista semánticos
* Actualización: eliminouse “aria-hidden=”true”” do título da entrada no bloque Post Loop
* Actualización: o lector de pantalla anuncia o éxito no bloque de formulario
* Actualización: as mensaxes de erro son agora persistentes no bloque de formulario
* Actualización: melloráronse os avisos de erro para os lectores de pantalla (no formulario avanzado)
* Actualización: melloráronse os anuncios dos avisos de erro para os lectores de pantalla (no formulario avanzado)
* Actualización: mellorouse a relación de contraste das frechas do carrusel
* Actualización: mellorouse a accesibilidade da puntuación con estrelas no bloque de testemuños
* Actualización: a cita do testemuño agora é un blockquote semántico
* Actualización: mellorouse a accesibilidade das etiquetas do bloque de entradas
* Actualización: mellórase o funcionamento das diapositivas con niveis de zoom altos.
* Corrección: cor da icona no bloque de busca.
* Corrección: o contido do testemuño cambiouse a un elemento blockquote para mellorar a accesibilidade.
* Corrección: lóxica do bloque de conta atrás para as repeticións diarias e semanais.
* Corrección: bloque de busca – dominio de texto incorrecto
* Corrección: nome de clase incorrecto no bloque de título
* Corrección: problema de espazado en tableta/móbil do bloque de disposición de filas
* Corrección: o bloque de navegación aniñado non funciona correctamente en Escritorio > Kadence > Navegacións
* Corrección: a data do repetidor do bloque de conta atrás é incorrecta nalgunhas situacións
* Corrección: problema coa cor da icona no bloque de busca
* Corrección: axuste para conxelar a vista previa do submenú cando se abre ao pasar o cursor
3.5.16
Data da versión: 28 de xullo de 2025
* Corrección: os bloques de formulario clásico creados despois da 3.5.13 non procesaban os envíos
3.5.15
Data da versión: 23 de xullo de 2025
* Corrección: ligazón personalizada da galería mosaico no editor.
* Corrección: os valores por defecto dos bloques non se aplicaban aos bloques novos.
* Corrección: engádese compatibilidade con ligazóns ao bloque de texto avanzado nalgúns modelos.
3.5.14
Data da versión: 15 de xullo de 2025
* Corrección: problema ao editar bloques de Kadence nas áreas de widgets
3.5.13
Data da versión: 15 de xullo de 2025
* Engadido: posibilidade de dar estilo aos puntos e frechas do carrusel no bloque de carrusel
* Engadido: texto de advertencia sobre a compatibilidade dos navegadores co axuste de texto vertical no bloque de texto avanzado.
* Corrección: melloras de rendemento para os bloques no editor.
* Corrección: problema ao engadir o botón de envío do formulario avanzado no editor.
* Corrección: problema co recorte do submenú ao usar un filtro de fondo no bloque de cabeceira.
* Corrección: saída de contido DOM incorrecta no bloque de galería nalgúns casos.
* Corrección: estilo do divisor na portada para o bloque de conta atrás.
* Corrección: compatibilidade co atributo de áncora para os bloques de navegación e de ligazón de navegación.
* Corrección: valores de restablecemento do radio do bordo para o bloque de cabeceira avanzada.
3.5.12
Data da versión: 2 de xullo de 2025
* Actualización: estilos de foco do activador fóra do lenzo do bloque de cabeceira.
* Corrección: marxe inferior por defecto da lista de iconas.
* Corrección: vista previa no editor do tamaño de letra adaptable, o tamaño do número e a altura de liña do bloque de contador.
* Corrección: contido do bloque de testemuños ao copiar/pegar estilos.
* Corrección: advertencia de que o contido non coincide co modelo ao editar entradas de navegación.
* Corrección: imposibilidade de inserir unha fila nova cando o bloque de táboa estaba dentro dunha sección.
3.5.11
Data da versión: 19 de xuño de 2025
* Engadido: estilos de texto para lectores de pantalla no bloque de texto avanzado.
* Engadido: iconas adicionais de redes sociais.
* Corrección: cor das opcións do selector do formulario en Windows.
* Corrección: aliñamento vertical adaptable da sección.
* Corrección: os controis adaptables non funcionaban no editor de widgets.
* Corrección: escapar o URL de redirección no bloque de conta atrás.
3.5.10
Data da versión: 5 de xuño de 2025
* Engadido: posibilidade de personalizar o punto de corte no que aparece a cabeceira avanzada para móbil.
* Corrección: ligazón rota ao subir iconas personalizadas.
* Corrección: ancho do botón de envío do formulario avanzado cando a herdanza de estilos está activada.
* Corrección: as ligazóns non se podían rastrexar cando estaban desactivadas no bloque de navegación.
3.5.9
Data da versión: 29 de maio de 2025
* Corrección: vista previa do tamaño da icona para o bloque de caixa de información.
* Actualización: aria-label por defecto para o campo de entrada do bloque de busca.
* Corrección: tamaño do arquivo de imaxe nos axustes por defecto do bloque de imaxe.
* Corrección: problema de accesibilidade dos elementos da galería mosaico (pro).
* Corrección: altura de fila por defecto e restablecemento da galería mosaico (pro).
* Corrección: problema de desbordamento do carrusel fluído da galería cando se define a separación.
3.5.8
Data da versión: 15 de maio de 2025
* Engadido: radio do bordo da imaxe no bloque de cuadrícula/carrusel de entradas.
* Engadido: opción de desbordamento para o bloque de galería.
* Corrección: mellor redimensionamento das imaxes ao reducir a fila na cabeceira avanzada.
* Corrección: seccións fixas cando o filtro de fondo está activado.
* Corrección: cor do asterisco dos campos obrigatorios no formulario avanzado ao usar a paleta de cores.
* Corrección: a áncora HTML da cabeceira avanzada non se aplicaba na portada.
* Corrección: o ancho máximo da cabeceira avanzada estaba limitado a 600px.
* Corrección: aliñamento do bloque vectorial cando está dentro dunha sección.
* Corrección: aliñamento e ancho máximo da barra de progreso circular.
* Corrección: problema de desbordamento nalgúns megamenús.
3.5.7
Data da versión: 5 de maio de 2025
* Actualización: mellórase o rendemento da biblioteca de deseños.
* Actualización: corríxese a importación con formularios avanzados.
* Actualización: mellórase a caché da solicitude is_authorized.
3.5.6
Data da versión: 1 de maio de 2025
* Actualización: conéctanse as cores das categorías de tipos de contido personalizados cos bloques relevantes (entradas, cuadrícula de entradas)
* Mellora: melloráronse a navegación, o filtrado e a ordenación da biblioteca de deseños.
* Corrección: o campo CC separado por comas non enviaba a varios usuarios.
* Corrección: o logotipo transparente volvía ao logotipo por defecto despois de desprazarse cara arriba coa cabeceira fixa activada.
* Corrección: aliñamento do texto na portada no bloque de táboa.
3.5.5
Data da versión: 28 de abril de 2025
* Corrección: engadíronse máis comprobacións de seguridade á aceptación/rexeitamento da telemetría.
3.5.4
Data da versión: 25 de abril de 2025
* Corrección: altura do bloque de botóns ao apilarse verticalmente nunha sección nalgunhas situacións.
* Corrección: o radio do bordo superior esquerdo da navegación (avanzada) no estado activo non se reflicte.
* Corrección: o recheo do vídeo en ventá emerxente para tableta e ordenador non se reflicte na portada.
* Actualización: roles ARIA das informacións emerxentes e da barra de progreso (estrelas) para a accesibilidade.
3.5.3
Data da versión: 17 de abril de 2025
* Engadido: copiar/pegar no texto avanzado compórtase agora como no bloque de parágrafo cando está definido por defecto.
* Corrección: os botóns da cabeceira do acordeón xa non herdan a sombra da caixa do tema no estado activo.
* Corrección: a biblioteca de deseños agora ocúltase na disposición de filas cando está oculta na visibilidade dos bloques.
* Corrección: altura do 100 % da columna interior da disposición de filas en móbil/tableta cando en ordenador está contraída en filas.
* Corrección: advertencia de PHP no bloque de táboa de contidos nalgunhas situacións.
* Corrección: submenús verticais non contraídos da navegación avanzada na portada en tableta e móbil.
* Corrección: a ventá modal de subida da animación Lottie desaparecía a metade da subida.
3.5.2
Data da versión: 16 de abril de 2025
* Corrección: problema co tamaño dos botóns en WP 6.8.
3.5.1
Data da versión: 3 de abril de 2025
* Engadido: opcións predefinidas para a sombra da caixa.
* Engadido: indicador nos bloques do editor que teñen CSS personalizado aplicado.
* Corrección: foco no campo de texto (avanzado) cando se selecciona ou se insire.
* Corrección: lendas na caixa de luz da galería cando o texto da lenda contén unha ligazón.
* Corrección: a navegación avanzada no pé de páxina non herdaba os estilos dos axustes.
* Corrección: engádese aria-required aos campos obrigatorios no bloque de formulario clásico.
* Corrección: esquema FAQ nos acordeóns que conteñen CSS.
* Corrección: engádese aria-label aos carruseis da galería.
* Corrección: actualización da opacidade da sombra do texto no bloque de texto avanzado.
3.5.0
Data da versión: 18 de marzo de 2025
* Engadido: bloque de ilustración vectorial.
* Engadido: característica de busca de iconas para o bloque de icona.
* Engadido: menú para mover pestanas engadido á barra de ferramentas do bloque de pestanas.
* Engadido: compatibilidade cos idiomas croata, estoniano, polaco e eslovaco en Kadence AI.
* Corrección: as barras de progreso non se inicializaban dentro dos bucles de consulta.
* Corrección: definir un recheo & marxe numéricos nas ligazóns do submenú da navegación avanzada.
* Corrección: aria-label para o bloque de busca (avanzado).
* Corrección: mellórase a visibilidade do título da ligazón na ligazón de superposición da sección.
* Corrección: agora funcionan todas as unidades de tamaño do recheo/marxe da fila do bloque de cabeceira.
* Corrección: o bloque Lottie amosaba un erro 404 na consola en Safari.
* Corrección: o bloque de caixa de información con imaxes de volteo non aplicaba o radio do bordo.
* Corrección: sombra de foco nos botóns do acordeón.