14.08.2026 | 00:40
Մարտուն Գրիգորյանը երկու ամսով կալանավորվել է
ՔՆՆԱՐԿՈւՄ․ Ապրիլի 24-ից հետո․ խաղաղությո՞ւն, թե՞ նոր լարում է սպասվում Հայաստանին՝ Թուրքիայի և Ադրբեջանի հետ
Քաղաքականություն
24.04.2026 | 21:00
Արդեն 111 տարի ապրիլի 24-ին հայ ժողովուրդը հիշատակում և ոգեկոչում է Հայոց ցեղասպանության նահատակների հիշատակը։ Նախօրեին տեղի ունեցավ ավանդական ջահերով երթը։ Այս տարի Երևանում Թուրքիայի դրոշի հետ միասին ՀՅԴ-ական երիտասարդները չայրեցին Ադրբեջանի դրոշը, միայն Թուրքիայինը․ և սա՝ 2021 թվականից հետո առաջին անգամ։ Իշխան Սաղաթելյանն ասում է՝ մի տարի կայրեն, մի տարի՝ ոչ, պետք չէ դիրքորոշման փոփոխություն փնտրել։
Պայմանավորված հունիսի 7-ի քարոզարշավով՝ իշխանական և ընդդիմադիր գրեթե բոլոր ուժերը խոստանում են իրական, ուժեղ, ինքնիշխան, արժանապատիվ խաղաղություն բերել Ադրբեջանի հետ։ Կառավարող ուժն ասում է՝ կա խաղաղություն, մնում է՝ այն ինստիտուցիոնալացնել։ Ընդդիմությունը տեսնում է երաշխավորի կարիք։
Օրվա խորհրդի վերաբերյալ Նիկոլ Փաշինյանն այսօր ասել է․ «Մեծ Եղեռնը հայ ժողովրդին միջազգային խարդավանքների մեջ ներքաշելու գործելակերպի հետևանք էր»: Հայոց ցեղասպանության հերթական տարելիցին Factor TV-ի տաղավարում քննարկելու ենք՝ Հայաստանի արևելյան և արևմտյան հարևանների հետ հարաբերությունների դինամիկան․ ի՞նչ է սպասվում՝ խաղաղությո՞ւն, ապաշրջափակո՞ւմ, թե՞ կոնֆլիկտի վերսկսման ռիսկեր առկա են։
Քննարկմանը մասնակցում են Գեորգի Միրզաբեկյանը՝ արևելագետ, ՍիվիլՆեթի տարածաշրջանային հարցերի փորձագետ, Սագօ Արեանը՝ Մերձավոր Արևելքի խնդիրները լուսաբանող լրագրող, Ռոբերտ Ղևոնդյանը՝ քաղաքագետ, Հայկական խորհրդի փորձագետ, Արսեն Խառատյանը՝ Ալիք Մեդիայի հիմնադիր, կոնֆլիկտաբան։
Հաղորդումն ամբողջությամբ՝ տեսանյութում։
