13.08.2026 | 14:17
ԱԳՆ-ն կապվել է Ռուբեն Վարդանյանի ընտանիքի հետ, հանդիպում է նախատեսվում․ Սարգիս Խանդանյան. ՏԵՍԱՆՅՈՒԹ
ԲԱՆԱՎԵՃ․ Փաշինյան-Պուտին սուր խոսակցություն. ՀՀ-ն պատրա՞ստ է ՌԴ-ի հնարավոր պատժամիջոցներին
Քաղաքականություն
08.04.2026 | 21:00
Արդյո՞ք ՌԴ-ն չի միջամտում ՀՀ-ի ներքաղաքական կյանքին․ Վլադիմիր Պուտինը շատերի համար անսպասելիորեն տեսախցիկների առաջ Նիկոլ Փաշինյանին միջնորդեց՝ թույլատրել ռուսամետ ուժերի մասնակցությունն ԱԺ ընտրություններին՝ ընդգծելով ՌԴ-ում 2 մլն հայերի գոյության փաստը։ Նա պարամետրեր նշեց՝ ում համար է միջնորդում․ ՌԴ-ի քաղաքացի ռուսամետ գործիչ, որն այժմ բանտարկված է։ Սամվել Կարապետյանն էլ իր ուղերձում Նիկոլ Փաշինյանին մեղադրեց Մոսկվայում «խայտառակվելու», իր բնորոշմամբ՝ «բարեկամ ՌԴ-ին ռեգիոնից հեռացնելու», ինչպես նաև՝ «ՌԴ-ի հետ տնտեսական պատերազմ բերելու մեջ»։
Կարապետյանից առաջ Մոսկվան Պուտինի և Օվերչուկի բերանով Երևանին ակնարկել էև տնտեսական բացասական հետևանքների մասին, եթե ԵՄ-ին մերձեցումը շարունակվի։
Փաշինյանը մերժեց Պուտինին՝ ՌԴ քաղաքացին չի կարող լինել վարչապետի թեկնածու։
Դեպի ո՞ւր են ընթանում ՀՀ-ՌԴ հարաբերությունները` տնտեսական պատերա՞զմ, թե՞ գործակցությունը կշարունակվի։ Factor TV-ում հրավիրված քննարկմանը մասնակցում են Առնոլդ Բլեյանը՝ «Հանուն Հանրապետության» կուսակցության անդամ, Անահիտ Ադամյանը՝ «Հանրապետություն» կուսակցության քաղխորհրդի անդամ, Արման Ղուկասյանը՝ «Հանուն սոցիալական արդարության» կուսակցության նախագահ, Լևոն Չուկակլյանը՝ «Միասնության թևեր» քաղաքական նախաձեռնության անդամ, Արա Պապյանը՝ ԱԺԲ խորհրդի անդամ։
Հաղորդումն ամբողջությամբ՝ տեսանյութում։
Ռոբերտ Անանյան
